Aşgabatda geçirilen Garaşsyz Döwletleriň Arkalaşygyna agza döwletleriň Hökümet Baştutanlarynyň Geňeşiniň mejlisinde söwda-ykdysad ugurlardaky hyzmatdaşlyga aýratyn ahmiýet berildi.
Mejlisde çykyş eden Türkmenistanyň Ministrler Kabinetiniň Başlygynyň orunbasary Hojamyrat Geldimyradow GDA döwletleri bilen söwda-ykdysady gatnaşyklarynyň okgunly ösüşe eýedigini belledi.
Berlen maglumatlara görä, Türkmenistanyň GDA ýurtlary bilen haryt dolanyşygy 4 milliard ABŞ-nyň dollaryndan geçdi. Şol bir wagtyň özünde, 2026-njy ýylda özara söwdanyň möçberi geçen ýylyň degişli döwri bilen deňeşdirilende 30 göterimden gowrak artyp, 1 milliard ABŞ-nyň dollaryndan gowrak boldy.
Çykyşyň dowamynda GDA-nyň hyzmatdaşlygy berkitmek we özara bähbitli ykdysady gatnaşyklary ösdürmek üçin möhüm sebit meýdançasy bolup galýandygy bellenildi. Häzirki şertlerde, ählumumy wezipeleriň we tehnologik üýtgeşmeleriň giňişliginde, Arkalaşygyň ýurtlarynyň söwda-ykdysady hyzmatdaşlygy giňeltmek boýunça bilelikdäki işleri işjeňleşdirmeginiň zerurdygy nygtaldy.
2026-njy ýylda Türkmenistanyň GDA-da başlyklyk etmegine aýratyn üns berildi. Soňky ýyllarda Arkalaşygyň çäklerinde ykdysady ulgamda özara gatnaşyklarda uly tejribäniň toplanylandygy bellenildi.