Türkmenistanyň Prezidenti Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onuň dowamynda milli parlamentiň ýolbaşçysy D.Gulmanowa ýurduň kanunçylygyny kämilleşdirmek ugrunda alnyp barylýan işler barada maglumat berdi.
Häzirki wagtda ministrliklerden we pudaklaýyn dolandyryş edaralaryndan gelip gowşan teklipleriň esasynda «Türkmenistanyň Garaşsyzlygynyň 35 ýyllygyna bagyşlanyp geçirilen dabaraly harby ýörişe gatnaşyjy» atly Türkmenistanyň ýubileý medalyny döretmek hakynda, Gozgalmaýan emläge bolan hukuklaryň döwlet belligine alynmagy hakynda Türkmenistanyň kanunlarynyň taslamalaryny taýýarlamak, Türkmenistanyň Gümrük kodeksine hem-de başga-da käbir kanunçylyk namalaryna üýtgetmeleri we goşmaçalary girizmek, şeýle hem döwletiň halkara resminamalaryna goşulmagyny hukuk taýdan goldamak boýunça degişli işler alnyp barylýar.
Döwlet Baştutany täze kanun taslamalaryny işläp taýýarlamak boýunça netijeli işleriň geçirilýändigini aýdyp, şunuň bilen baglylykda, ýurduň kanunçyly