2024-nji ýylyň iýulyndan Gruziýanyň “Georgian Airways” awiakompaniýasy Tbilisi (Gruziýa) – Meýlan (Hytaý) – Türkmenabat (Türkmenistan) – Tbilisi (Gruziýa) ugry boýunça ýük gatnawlaryny amala aşyryp başlady. Bu barada Türkmenabadyň halkara howa menzili habar berýär.
Täze halkara ýük awiagatnawy Türkmenistan bilen Gruziýanyň arasyndaky söwda we ykdysady hyzmatdaşlygy pugtalandyrmakda möhüm ädim bolar.
Mälim bolşy ýaly, 2023-nji ýylyň oktýabryndan bäri Gruziýanyň başga bir awiakompaniýasy “Geosky Georgian International Airlines” kompaniýasy Tbilisi (Gruziýa) – Çžençžou (Hytaý) – Türkmenabat (Türkmenistan)-Sarogosa (Ispaniýa) – Tbilisi (Gruziýa) ugry boýunça yzygiderli ýük gatnawlaryny amala aşyrýar.