JEMGYÝET

Türkmenistanly hüjümçi özbek toparynda

Türkmenistanyň futbol boýunça milli ýygyndysynyň hüjümçisi Wahyt Orazsähedow Özbegistanyň «Nawbahor» toparynyň türgenleşiklerine goşuldy. «Ol 10-njy ýanwarda başlan okuw-türgenleşik ýygnanyşygynda gözden geçiriljek 11-nji daşary ýurtly futbolçy boldy» diýip, klubyň resmi saýtynda ýazylýar.

Şu aýyň 26-synda 28 ýaşyny doldurjak hüjümçi Russiýanyň «Rubin», «Neftehimik», «Rostow», Moldowanyň «Daçiýa», Türkiýäniň «Osmanlyspor», Azerbaýjanyň «Sabail», Türkmenistanyň «Altyn asyr», «Ahal» ýaly klublarynda futbol oýnap, geçen möwsümi Gyrgyz Respublikasynyň «Dordoýynda» geçirdi. Ol möwsümi çempionlyk bilen tamamlan «Dordoýyň» düzüminde 28 duşuşyga gatnaşyp, şolarda 20 gezek tapawutlandy we gyrgyz çempionatynyň iň netijeli futbolçysy boldy.

Wahyt Orazsähedow 2016-njy ýyldan bäri Türkmenistanyň futbol ýygyndysynda oýnap gelýär.

«Nawbohoryň» milli ýygyndymyzyň goragçysy Şöhrat Söýünowy hem gözden geçirýändigini aýtmak gerek.

Related posts

Daşoguzly Täjigül Meläýewa 105 ýaşady

Ata Watan Eserleri

2025-nji ýylyň iň girdejili konserti

Oguljahan Atabaýewa birnäçe möhüm duşuşyklary geçirdi