Türkmenistanyň Ýaponiýadaky Ilçihanasynyň we Ýaponiýanyň “Çagalar daşary ýurtlar bilen tanyşýarlar” maksatnamasynyň bilelikde guramagynda Tokio şäheriniň mekdep okuwçylary üçin Türkmenistany tanyşdyrýan medeni çäre geçirildi.
Bu çäräniň dowamynda ýurdumyzyň taryhy, geografiýasy, medeniýeti barada okuw sapaklary geçirildi, milli aýdym-sazlary we tanslary ýerine ýetirildi hem-de milli mirasymyzy tanyşdyrýan sergi guraldy. Hususan-da, okuw sapaklarynyň dowamynda Magtymguly Pyragynyň ömri we döredijiligi barada gürrüňler berildi.
Agzalan çärä Tokionyň Akaşi orta okuw mekdebiniň başlangyç synp okuwçylary we olaryň ene-atalary gatnaşdylar.