Smartfonlary we tehnologik enjamlary bilen tanalýan Hytaýyň “Xiaomi” kompaniýasy elektrikli awtoulag önümçilik bazaryna girdi. Hytaýyň iri tehnologiýa kompaniýasy täze sedan “SU7” modelini resmi taýdan tanyşdyrdy.
Tanyşdyrylyş çäresinde çykyş eden kompaniýanyň baş direktory Lei Jun, 15-20 ýyldan soň dünýädäki iň uly awtoulag öndürijileriniň biri boljakdyklaryny mälim etdi.
“Xiaomi” şereketi Hytaýyň ägirt uly kompaniýasy CATL bilen elektrikli awtoulaglarynyň batareýasy babatda iş alyp barýar.
Kompaniýanyň 150 kWt kuwwatyndaky batareýaly awtoulagy bilen 1200 kilometre çenli aralygy geçmek bolar, 132 kWt kuwwatyndaky batareýa bilen awtoulagyň 1000 kilometre çenli menzil geçmegi göz öňünde tutulýar.
Awtoulagyň içki bölegi hem dürli häzirki zaman tehnologik enjamlar bilen enjamlaşdyrylandyr.