Ozal Portugaliýanyň milli ýygyndysyna tälim beren Fernando Santoş Polşanyň futbol boýunça milli ýygyndysynyň baş tälimçisi wezipesinden boşadyldy. Muňa ýygyndysynyň Ýewropa çempionatynyň saýlama tapgyrynda görkezen şowsuz netijeleri sebäp boldy.
Portugal tälimçi Polşanyň ýygyndysyna tälimçi bolmak mümkinçiligi döredilendigi üçin minnetdarlyk bildirip, Polşanyň halkyna iň gowy arzuwlaryny beýan etdi.
Santos şu ýylyň ýanwar aýynda bu ýygynda tälimçi wezipesine bellenipdi. Onuň ýolbaşçylygynda Polşanyň ýygyndysy 2024-nji ýylda geçiriljek Ýewropa çempionatynyň saýlama tapgyrynda 3 duşuşykda ýeňlip, 2 duşuşykda ýeňiş gazandy.
Polşa “E” toparçasynda 5 tapgyryň netijesinde boýunça 6 utuk jemläp, Moldowa, Çehiýa we Albaniýa ýaly döwletlerden yza galdy.