Özüniň ajaýyp üstünlikleri bilen barha meşhurlyk gazanýan “Real Madrid” toparynyň döredilenine 118 ýyl bolup geçen hem bolsa, bu toparyň adynyň “Real Madrid” bolanyna düýn asyr boldy. Ýagny gysgaça aýdanymyzda “Real Madrid” öz adyna 1920-nji ýylyň 29-njy iýunynda eýe boldy. Ilki bu topar meýdança çykanynda “Madrid Club de Futbol” ady bilen oýnady. Emma topary döredilenine 18 ýyl bolanyndan soňra Patyşa Alfonso XIII 1920-nji ýylyň 29-njy iýunynda toparyň adyny üýtgedip, “Real Madrid” adyny berdi. Indi topar bir asyr wagt bäri bu adyny göterýär. Toparyň abraýy bolsa ýyl geldigiçe artyp, muşdaklary özüne çekýär. Bu toparda şu wagta çenli ençeme futbol ýyldyzlary oýnady.
Bu şanly sene mynasybetli, toparyň ähli agzasy uly dabara guradylar.