Täze Günorta Uels uniwersitetiniň hünärmenler topary zeper ýetenden soň öz-özüni bejerip bilýän plastmassa oýlap tapdy. Munuň üçin onuň bir bölegi bolan suwuk rezine ýörite poroşok goşdular.
“Australian Associated Press” neşiriniň habaryna görä, dikeldiş himiki reaksiýany döredýän LED yşyklandyryşyň täsiri bilen otag temperaturasynda bolup geçýär. Bu proses bary-ýogy bir sagat dowam edýär.
3D çap edilen plastmassa adaty plastmassadan has az daşky gurşawa täsir edýär. Önümiň zaýalanmagy bilen baglanyşykly gijikdirmeler goşmaça wagt we pul talap edýär we goşmaça galyndylary öz içine alýar – zeper ýeten zatlary köplenç zyňmaly bolýar. Täze ösüş bu meseläni çözmäge mümkinçilik berýär.
Ulanylýan poroşok goşundysy tritiokarbonat ýa-da birleşdiriji serişde. Tritiokarbonat gidrosulfidiň uglerod disulfidi bilen reaksiýasy netijesinde öndürilýär. Çap edilen materialy emele getirýän elementleriň ulgamyny täzeden gurmaga we birleşdirmäge mümkinçilik berýär.
LEd çyralar gönüden-göni döwlen plastmassa gönükdirilen mahaly dikeldiş ýüze çykýar. Alymlar çap edilen skripka bilen synag edip, dikeldilen plastmassanyň edil täze ýaly güýçlüdigine göz ýetirdiler.