“Merkezi Aziýa-Ýaponiýa” formatyndaky daşary işler ministrleriniň duşuşygy 24-nji dekabrda Tokioda geçiriler. Bu duşuşyk bu formatdaky 9-njy duşuşyk bolup, Ýaponiýanyň daşary syýasat edarasynyň ýolbaşçysy Haýasi Ýesimasanyň baştutanlygynda Iikura öýünde geçiriler.
Ýaponiýanyň daşary syýasat edarasynyň metbugat beýanatyna görä, Ýaponiýanyň, Türkmenistanyň, Täjigistanyň, Gazagystanyň, Gyrgyzystanyň we Özbegistanyň diplomatlary sebit hyzmatdaşlygy, Owganystandaky ýagdaýlar hem-de halkara gün tertibindäki meseleleri ara alyp maslahatlaşarlar.
Ýaponiýa bu duşuşyga köpden bäir taýýarlyk görýär we özara gyzyklanma bildirilýän ugurlarda hyzmatdaşlygyň anyk ugurlaryny kesgitlemäge mümkinçilik beriljekdigine ynam bildirilýär.
“Merkezi Aziýa-Ýaponiýa” formatyndaky daşary işler ministrleriniň duşuşygynyň çäklerinde ikitaraplaýyn gepleşikler geçiriler.
Soňky gezek “Merkezi Aziýa-Ýaponiýa” formatyndaky daşary işler ministrleriniň duşuşygy 2019-njy ýylyň maýynda Täjigistanda geçirilipdi.
“Merkezi Aziýa-Ýaponiýa” formatyndaky dialog 2004-nji ýylda Ýaponiýanyň başlangyjy bilen döredilip, sebit hyzmatdaşlygyny has-da ösdürmek maksady bilen dürli taslamalar amala aşyrylýar.