Türkmenistanly dzýudoçy Maýsa Pardaýewa Hytaýyň Sindao şäherinde geçirilen dzýudo boýunça Gran-pri ýaryşynyň ýeňijisi boldy.
57 kg çenli agram derejesindäki final tutluşygynda Pardaýewa Fransiýanyň wekili Marta Fawazy ýeňip, altyn medaly eýeledi.
Sindaodaky ýaryş 28-nji iýunda tamamlanar. Bu bäsleşik 2028-nji ýylda Los-Anjelesde geçiriljek Olimpiýa oýunlaryna saýlama tapgyrynyň ikinji tapgyrydyr.
21 ýaşly Pardaýewa mundan ozal Ulan-Batorda (Mongoliýa) geçirilen «Uly tuwulga» seriýasynyň ýaryşynda bürünç medal gazanypdy. Ol 2024-nji ýylda Parižde geçirilen Olimpiýa oýunlarynda Türkmenistanyň milli ýygyndysynyň düzüminde çykyş etdi.