Käşir üçin hapa-haşal otlardan arassa çägesow, ýarym çägesow we ýeňil mele topraklar saýlanyp alynýar. Agyr we toýun topraklar käşir üçin amatsyzdyr, sebäbi kök miweler gysylyp, ownap hasyly azalýar. Şorlaşan, zeýleşen ýerler hem käşir üçin ýaramsyz hasap edilýär. Käşir tohumy çäge bilen garyşdyrylyp sepilýär. Ekmäge taýýarlananda 2 bölegi çäge bir bölegi käşir tohumy bolmaly. Käşiriň tohumlary 1-2 sm çuňlukda sepilýär. Käşir ekilenden soň 2-3 gezek otamaklyk ýokary hasyly üpjün edýär. Birinji otag käşir ýaňy gögerip çykanda, ikinji otag ýekelemek we üçünji otag düýplän käşiriň arasyndaky otlary aýyrmak, iri miweleriň bolmagyna mümkinçilik döredýär. Ösüş suwy 6-7 günden berilýär. Käşiriň ösüş döwründe iki gezek mineral döküni bilen iýmitlendirilýär.
Gunça NAZAROWA,
Türkmen oba hojalyk institutynyň mugallymy.