Germaniýada geçirilen futbol boýunça Ýewropa çempionaty tamamlandy. Berlin şäherinde geçirilen final duşuşygynda ispaniýa bilen Angliýa duşuşdy.
Final duşuşygynda Angliýany 2:1 hasabynda ýeňen Ispaniýa 4-nji gezek Ýewropa çempiony boldy. Ispaniýanyň düzüminde 47-nji minutda Niko Wilýams we 87-nji minutda Mikel Oýersabal geçirdi. Angliýanyň goluny 73-nji minutda Kol Palmer öz adyna ýazdyrdy.
Şeýlelikde, soňky minutlarda geçiren goly bilen ýeňiş gazanan Ispaniýa 4 gezek Ýewropa çempiony bolan ilkinji ýygyndy boldy.
Angliýanyň ýygyndysy bassyr 2-nji gezek Ýewropa çempionatynyň finalyna çykdy we ikisinde-de utuldy.
Ispaniýanyň düzümindäki Lamin Ýamal Ýewropa futbolynyň taryhynda bu arzyly kubogy eýelän iň ýaş futbolçy boldy. Ol 17-nji ýaşynda, entek mekdep okuwçysy döwründe Ýewropa çempiony bolmagy başardy.
Futbol duşuşygyn tomaşa edenleriň hatarynda Ispaniýanyň Patyşa hem bardy.
Bir aý, ýagny 14-nji iýunda başlan Ýewropa çempionaty tamamlandy. Ispaniýa 1964-nji, 2008-nji we 2012-nji ýyldan soňra 4-nji gezek Ýewropa çempiony boldy we bu ugurda rekord gorkezijä eýedir.