ABŞ-nyň derman öndürijisi “Pfizer” kompaniýasy nemes hyzmatdaşy “Biontech” şereketi bilen koronawirus hem-de dümew üçin ýeke-täk sanjymyň üstünde işleýändigini habar berdi.
Kompaniýanyň berýän beýanatyna görä, hem dümew hem-de koronawirusynyň garşysyna ýeke-täk sanjym üçin synag gözlegleriniň başlandygy we bu 2 kesel üçin ýekeje sanjym üçin möhüm ädimdigi bellenildi.
ABŞ-daky 180 meýletinçide mRNA tehnologiýasy bilen öndürilen sanjymyň birinji tapgyrynyň synaglaryna başlandygy mälim edildi.
Möwsümleýin dümew her ýyl müňlerçe adamyň aradan çykmagyna we hassahana ýerleşdirilmegine sebäp bolýar. “Moderna” we “Novavax” kompaniýalary hem şuňa meňzeş sanjymlaryň üstünde işleýärler.