Ozal hem habar berşimiz ýaly, paýtagtymyz Aşgabatda geçirilýän hokkeý boýunça halkara ýaryşyň finalyna çykan Türkmenistanyň “Galkan” toparynyň finaldaky garşydaşy Russiýa Federasiýasynyň Tatarystan Respublikasynyň “ADIHIC-Kazan” topary boldy.
Halkara ýaryşda “A” toparçasynda 12 utuk bilen birinji orny eýelän “Galkan” topary ertir final duşuşygynda Tatarystan Respublikasynyň “ADIHIC-Kazan” topary bilen duşuşar. Tatarystan Respublikasynyň “ADIHIC-Kazan” topary “B” toparçasynda birinji bolmagy başardy.
Halkara ýaryşyň 3-nji ornuny eýelemäk ugrundaky duşuşykda Özbegistanyň “Feniks” topary bilen Belarusyň “Volat” topary bilen duşuşar. Bu toparlar öz toparçalarynda 2-nji orny eýelediler.
Şeýlelikde halkara ýaryşyň toparçalardaky duşuşyklarynyň netijeleri boýunça:
“A” toparça: 1. “Galkan” 12 utuk, 2. “Feniks” 9 utuk, 3. “Ice Box Iran Mall” 6 utuk, 4. “Oman Nationals” 3 utuk, 5. “Bahrein Ice Hockey Club” 0 utuk.
“B” toparça: 1. “ADIHIC-Kazan” 12 utuk, 2. “Volat” 8 utuk, 3. “Aqmola” 6 utuk, 4. “Dordoi” 4 utuk, 5. “Team Turkiye” 0 utuk.
Şeýlelikde, hokkeý boýunça halkara ýaryşyň Türkmenistanyň «Galkan» hem-de Tatarystan Respublikasynyň «Adihic-Kazan» toparlarynyň arasynda geçjek final duşuşygy — ertir paýtagtymyzdaky Gyşky oýunlar sport toplumynyň uly buzly arenasynda geçiriler. Duşuşyk 15:00-da başlanar.