Günorta Koreýanyň meşhur “Samsung” kompaniýasy her ýyl özüniň täze tehnologiýalary bilen adamlary begendirip durýar. Her täze ýylyň başynda kompaniýa täze “Galaxy S” görnüşini hödürleýär, soňra tomusda bolsa “Galaxy Note” görnüşini giňden açyp tanyşdyrýar. Köpçülikleýin habar beriş serişdeleriniň habar bermegine görä, indi “Samsung” kompaniýasy “Galaxy Note” görnüşli akylly telefonlaryny öndürmegini tamamlap biler. Munuň sebäbi Günorta Koreýanyň öndürijisi “S Pen” stilus goldawy bilen “Galaxy S21 Ultra” akylly telefondan soň beýleki görnüşlerde galamjyk goldawyny getirjekdigini tassyklady. Maglumatlar göra, kompaniýa “Samsung Galaxy Note 20” akylly telefonynyň täzelen “Galaxy Note 20 Fan Edition” görnüşini hödürläp, “Galaxy Note” görnüşiniň işini tamamlar. Soňra bolsa has hem ünsüni “Galaxy S” görnüşine bermek isleýändigini bellediler. Emma kompaniýa bu barada resmi maglumat bermedi.
Saýtymyzyň wideo habarlar sahypasy –geljekde iň işjeň sahypalaryň biri bolsa gerek. Häzirki döwürde bu sahypamyza birnäçe wideo rolik ýerleşdirilendir.
