Fransiýada jemgyýetçilik ýerlerinde çilim çekmek gadagan edildi. Bu ugurda ýüze çykan düzgün bozulmalar üçin 135 ýewro çenli jerime göz öňünde tutuldy.
Çäklendirmeler jemgyýetçilik ulaglaryny, seýilgähleri, deňiz kenarlaryny, kitaphanalary we mekdepleri öz içine alýar. Bu çäre, esasan, çagalary passiw çilim çekmekden goramaga gönükdirilendir. Hökümetiň esasy maksady 2032-nji ýyla çenli çilimkeşleriň sanyny 5% -e çenli azaltmak.
Fransiýanyň Saglygy goraýyş ministrliginiň habaryna görä, ýurtda her ýyl çilim çekmegiň netijesinde 75 müňe golaý adam aradan çykýar. Zyýanly endikleriň umumy zyýany ýylda 176 milliard dollardan geçýär diýip, habar berilýär.