Elektrik ulaglarynyň satuwy 2020-nji ýylda 3 milliondan geçdi. Bu barada metbugat gulluklary habar berýär.
Dünýäde satylan elektrik ulaglarynyň sany geçen ýyl bilen deňeşdirilende 41% artyp, geçen ýyl 3 milliona ýetdi. Awtoulag öndürijileriniň köpüsi soňky ýyllarda elektrik ulagy bazaryna uly maýa goýýarlar we bu awtoulaglara bolan gyzyklanma artýar.
Elektrikli ýük awtoulaglarynyň we awtobuslaryň umumy sany 1 milliona golaýlady. Ýewropada elektrik ulaglarynyň satuwy öňki ýyl bilen deňeşdirilende, 2020-nji ýylda 137 göterim ýokarlandy we jemi 1 million 395 müň elektrik ulagy satyldy.
Global elektrik ulaglarynyň satuwynyň 2021-nji ýylda 4,6 milliona ýetmegine garaşylýar. Bu ýylky ösüşe Demirgazyk Amerika we Hytaý ýolbaşçylyk eder diýlip garaşylýar.