Türkiýäniň Milli futbol ýygyndysy bilen birlikde Norwegiýa, Şotlandiýa, Awstriýa, Çehiýa, Bosniýa we Gersegowina hem-de Şwesiýa köp ýyldan soňra futbol boýunça dünýä çempionatyna gatnaşmak arzuwyny amala aşyrjak 7 Ýewropa ýurdunyň hataryna girdi.
Öň 32 topar bilen geçirilýän ýaryş ilkinji gezek 48 toparyň gatnaşmagynda guralar. ABŞ, Meksika we Kanadanyň bilelikde gurnajak 2026 FIFA Dünýä çempionatynda Ýewropadan 16 topar çykyş eder.
2022-nji ýylda Katarda geçirilen Dünýä Kubogyna gatnaşyp bilmedik 7 Ýewropa ýurdy 2026-njy ýylda ýaryşa gatnaşar.
1998-nji ýyldaky çempionata gatnaşan Norwegiýa, Şotlandiýa we Awstriýa 28 ýyllyk arakesmeden soň 2026-njy ýyldaky dünýä çempionatyna gatnaşmaga hukuk gazandy.
Türkiýe 24 ýyldan soň dünýä çempionatynda
Türkiýäniň milli ýygyndysy 2002-nji ýyldan soň ilkinji gezek, 24 ýyllyk arakesmeden soň, 2026-njy geçirilýän futbol çempionatyna gatnaşar. Türk ýygyndysy 2002-nji ýyldan soň geçirilen 5 ýaryşa gatnaşyp bilmedi.
Türkiýe Ýaponiýa bilen Günorta Koreýanyň bilelikde gurnan 2002-nji ýyldaky dünýä çempionatynda 3-nji orny eýeläpdi.
Çehiýa, Bosniýa we Gersegowina hem-de Şwesiýa
Çehiýa iň soňky gezek 2006-njy ýyldaky dünýä çempionatynda çykyş edipdi. Bosniýa we Gersegowina 2014-nji ýyldaky dünýä çempionatyndan soň iki ýaryşy sypdyryp, 2026-njy ýylda ýene-de bu iri sport ýaryşynyň gatnaşyjysy boldy.
Şwesiýa bolsa Russiýada geçirilen 2018-nji ýyldaky dünýä çempionatyna gatnaşyp, emma 2022-nji ýyldaky ýaryşa gatnaşyp bilmändi
Köp ýyllardan soň dünýä çempionatyna gaýdyp gelýän ýurtlar
| Ýurt | Näçe ýyldan soň | Soňky dünýä çempionaty |
|---|---|---|
| Norwegiýa | 28 | 1998 |
| Şotlandiýa | 28 | 1998 |
| Awstriýa | 28 | 1998 |
| Türkiýe | 24 | 2002 |
| Çehiýa | 20 | 2006 |
| Bosniýa we Gersegowina | 12 | 2014 |
| Şwesiýa | 8 | 2018 |