CES 2020: “Y-Brush” diş şotgasy bilen dişiňi arassalamak üçin bary–ýogy 10 sekunt ýeterlik.
Fransuz kompaniýasy adamlaryň dişlerini arassalamaga sarp edýän wagtlaryny tygşytlamak maksat bilen bu “Y-Brush” şotgasyny köpçülige hödürledi. “Y-Brush” bilen dişiňi doly ýagdaýda arassalamaga 10 sekunt ýeterlik bolup, adamlaryň ýylyň dowamynda dişlerini ýuwmakda sarp edýän wagtlaryny tygşytlamaga kömek edýär. Ol diş tämizleýji enjamyň görnüşi biziň häzirki ulanýan diş şotgalarymyzdan düýbünden tapawutlanyp, onuň şekili agyz boşlugyňy doly tutýan dişleriň şekilindedir. Bu enjamyň ulanylyşy örän ýönekeýje bolup, ony diňe dişläp düwmesini basmak ýeterlik. Häzirki ulanýan şotgalarymyz bilen biz her gezek öz dişlerimizi tämizlänimizde dişme-diş üstünde durup arassalamy bolýarys. Emma “Y-Brush” bilen hemme dişleriňi bir wagtda arassalamak mümkin bolar.