Gazagystanyň Daşary işler ministrligi Birleşen Milletler Guramasynyň Baş sekretary Antonio Guterrişiň şu ýylyň 3-4-nji iýulynda Astana şäherinde geçiriljek Şanhaý Hyzmatdaşlyk guramasynyň sammitine gatnaşmagyna garaşýandygyny habar berdi. Bu barada Gazagystanyň daşary syýasat edarasynyň ýolbaşçysy Murat Nurtleu ŞHG-niň daşary işler ministrleriniň geňeşiniň mejlisinde habar berdi.
– Ilkinji gezek “ŞHG+” formatynda gurama agza, synçy we hyzmatdaş döwletler, şeýle hem BMG-niň Baş sekretarynyň gatnaşmagynda sammit geçiriler – diýip, ministr Murat Nurtleu belläp geçdi.
Ol öňde boljak sammitiň parahatçylygy goldamak we durnukly ösüşi üpjün etmek babatda guramany umumy tagallalarynyň nobatdaky subutnamasyna öwrüljekdigini belledi.
Gazagystan 2023-nji ýylyň 5-nji iýulyndan bäri Şanhaý Hyzmatdaşlyk Guramasyna başlyklyk edýär. 3-4-nji iýulda Astanada sammit geçiriler.