Ýaponiýanyň dünýä belli “Toyota” kompaniýasynyň “Toyota Yaris” awtoulagy “Ýylyň awtoulagy” diýen belent ada eýe boldy. Bu baradaky çözgüdi Ženewa awtoulag sergisiniň eminler agzasy kabul etdi. Emin agzalarynyň hatarynda Ýewropanyň 22 ýurdundan 59 1urnalist hem bardy.
Her ýyl geçirilýän Ženewa awtoulag sergisi koronawirus pandemiýasy sebäpli ýatyryldy. Ýöne 1964-nji ýyldan bäri geçirilip gelinýän “Ýylyň awtoulagy” bäsleşigi geçirildi. Bu bäsleşit adatça, şol serginiň açylyş dabarasy mynasybetli guralýardy. “Ýylyň awtoulagy” bäsleşigi wideokonferensiýa ulgamy arkaly geçirildi.
“Toyota Yaris” awtoulagynyň ozalky görnüşi 2000-nji ýylda hem ýeňiji bolupdy. Ulagyň täze görnüşleri Fransiýanyň Walansýen şäherinde Ýewropa ýurtlarynyň bazary üçin öndürilýär.
Ženewadaky awtoulag sergisi Şweýsariýanyň iň iri çäreleriniň biri hasaplanýar. Oňa millionlarça adam gelýärdi. Guramaçylaryň aýtmagyna görä, çäreniň pul dolanyşygy 180 million ýewro barabar bolýardy.
“Ýylyň awtoulagy” bäsleşiginiň ýeňijileriniň sanawy:
- “Toyota Yaris”: 266 bal
- “Fiat New 500”: 240 bal
- “Cupra Formentor”: 239 bal
- “Volkswagen ID.3”: 224 bal
- “Skoda Octavia”: 199 bal
- “Land Rover Defender”: 164 bal
- “Citroen C4”: 143 bal