Hormatly Prezidentimiz Gurbanguly Berdimuhamedow Aşgabatda guruljak dürli maksatly täze binalaryň we desgalaryň taslamalary bilen tanyşdy.
Milli Liderimiziň garamagyna hödürlenen taslamalar:
- Aşgabat şäheriniň S.Türkmenbaşy we A.Nyýazow şaýollarynyň çatrygynda Aşgabat şäherine degişli gulluklaryň täze binalaryny gurmak meýilleşdirilýär.
- S.Türkmenbaşy şaýolunyň ugrunda Türkmenistanyň Goranmak ministrliginiň Berdimuhamet Annaýew adyndaky 1-nji ýöriteleşdirilen harby mekdebiniň binasyny gurmak göz öňünde tutulýar.
- Magtymguly şaýolunyň ugrunda Halkara fiziologiýa ylmy-kliniki merkeziniň binalar toplumy gurlar.
- A.Nyýazow şaýolunyň ugrunda Halkara sagaldyş-dikeldiş merkeziniň binalar toplumynyň gurulmagy meýilleşdirilýär.
- 10 müň orunlyk köpugurly döredijilik we sungat merkezi hem-de “Dokmaçylar” medeni merkezi gurlar.
- Aşgabat şäheriniň demirgazyk künjegindäki “Altyn kölüň” kenarynda dynç alyş zolagynyň gurulmagy meýilleşdirilýän taslamalar bar.
- Paýtagtymyzyň Bitarap Türkmenistan şaýolunyň günbatar tarapynda gurulmagy meýilleşdirilýän seýilgähiň şekil taslamasy bar.
- Halkara onkologiýa merkezi gurlar.
