Türkmenistanyň futbol çempionatynyň jemleýji, 28-nji tapgyrynyň çäginde bir duşuşyk geçirildi. Onda wagtyndan öň bassyr üçünji çempionlygyny gazanan “Arkadag” topary öz meýdanynda Balkanabat şäheriniň “Nebitçi” toparyny kabul etdi.
“Arkadag” toparynyň artykmaçlygynda geçen duşuşyk 4:1 hasabynda ýer eýeleriniň peýdasyna tamamlandy.
Gazanan bu ýeňşinden soň 84 utuk toplan “Arkadag” topary çempionatda geçiren hemme duşuşygynda hem ýeňiş gazanmagy başardy. Arkadag şäheriniň adybir topary geçiren duşuşyklarynda 105 topy garşydaşlarynyň derwezesinden geçirip, öz derwezesine bary-ýogy 15 top geçirtdi.
Türkmenistanyň futbol çempionatynyň 28-nji tapgyrynyň jemleýji oýun güni 15-nji dekabrda geçirilip, onda “Şagadam” – “Köpetdag”, “Altyn Asyr” – “Merw” hem-de “Ahal” – “Aşgabat” toparlary duşuşarlar.
28-nji tapgyryň duşuşygy:
“Arkadag” – “Nebitçi” – 4:1
Gollar: 3 Resul Hojaýew, 13 Didar Durdyýew, 47 Şamämmet Hydyrow, 88 Duýargylyç Urazow (“Arkadag”) – 77 Seýitmämmet Hojamämmedow (“Nebitçi”)
Duýduryş: 40 Myrat Aşyrow (“Nebitçi”)
Meýdandan çykarylan: 73 Ilýas Çaryýew (“Arkadag”)
Geçirilen ýeri: “Nusaý” st. (Aşgabat ş. )
Duşuşygyň emini: M.Şanazarow (Ýolöten ş.)
Kömekçi eminler: I.Kurambaýew (Daşoguz ş.), M.Allaberdiýew (Aşgabat ş.)
Ätiýaçdaky emin: R.Mämmedow (Aşgabat ş.)
Gözegçi emin: B.Atajanow (Daşoguz ş.)
Çempionatyň tablisasy:
| T/b | Toparlar | O | Ý | D | U | T | U |
| 1. | «Arkadag» FK | 28 | 28 | 0 | 0 | 105-15 | 84 |
| 2. | «Ahal» FK | 27 | 17 | 4 | 6 | 53-24 | 55 |
| 3. | «Altyn Asyr» FK | 27 | 15 | 5 | 7 | 51-33 | 50 |
| 4. | «Şagadam» FK | 27 | 11 | 7 | 9 | 28-31 | 40 |
| 5. | «Nebitçi» FK | 28 | 9 | 6 | 13 | 22-41 | 33 |
| 6. | «Aşgabat» FK | 27 | 6 | 3 | 18 | 21-53 | 21 |
| 7. | «Köpetdag» FK | 27 | 3 | 5 | 19 | 20-68 | 14 |
| 8. | «Merw» FK | 27 | 2 | 6 | 19 | 14-49 | 12 |