Russiýanyň milli futbol çempionatynyň nobatdaky möwsümi tamamlandy. Çempionatyň 30-njy tapgyrynda öz meýdançasynda “Dinamo” toparyny 3:0 hasabynda ýeňen “Krasnodar” topary taryhynda ilkinji gezek Russiýanyň çempiony boldy. Şeýle hem bu topar bassyr 6 ýyldan bäri çempion bolup gelýän “Zenit” toparynyň bu gezek çempion bolmagynyň öňüni aldy.
“Krasnodar” çempiony 67 utuk bilen tamamlan bolsa, Sankt-Peterbugryň “Zenit” topary 66 utukda galdy.
2008-nji ýylda döredilen “Krasnodar” topary Russiýanyň çempionatynda çempion bolan 7-nji topar boldy. Bu topar 2011/12-nji ýylyň möwsüminden bäri ýokary ligada çykyş edýär.
Geçen ýyl hem çempionlyk üçin soňuna çenli bäsleşen “Krasnodar” topary 2-nji orny eýeläp. Mundan başga-da, “Krasnodar” topary 2014/15-nji, 2018/19-njy we 2019/20-nji ýyllarda 3-nji orunlary eýeläpdi.