ABŞ-nyň “Apple” kompaniýasynyň “iPhone” smartfony altyndan ýasaldy. Kompaniýanyň soňky smartfony bolan “iPhone 13 Pro Max” telefony altyndan ýasalyp, müşderilere hödürlendi.
50 müň dollar bahasy bolan bu telefon 18 karat altyndan ýasaldy. “Total Gold” ýörite seriýasy kaşaň şaý-sepler kompaniýasy “Caviar” tarapyndan taýýarlandy we bary-ýogy 99 sanysy öndürildi.
Şeýle-de, “Total Gold” telefonynyň hatarynda birnäçe “iPhone 13” dizaýny bar. Iň pes ýat kuwwaty bolan modeliň bahasy 42 müň 390 dollar, “IPhone Pro Max” -yň bahalary 48,804 dollardan başlaýar.
Telefonlarda dürli nagyşlar hem-de bezegler göz öňünde tutulypdyr. Olar hem telefonyň özüne çekijiligini has-da ýokarlandyrýar.