Aziýanyň Futbol Konfederasiýasynyň Çempionlar ligasynda çykyş edýän ýurdumyzyň “Ahal” futbol topary 3-nji tapgyryň çäklerinde Özbegistanyň “Pahtakor” topary bilen duşuşar. Duşuşyk özbek toparynyň meýdançasynda geçiriler.
“Bunedkor” stadionynda 24-nji oktýabrda geçiriljek duşuşyk Aşgabat wagty bilen 19:00-da başlanar.
Serdar Geldiýewiň tälimçiligindäki “Ahal” topary Çempionlar ligasynda 3 utuk toplady. Türkmen topary Aşgabatda geçirilen duşuşykda Saud Arabystanynyň “Al-Feýha” toparyny 1:0 hasabynda ýeňdi.
Ýaryşyň ikinji tapgyrynda “Ahal” topary BAE-niň “Al-Aýn” toparyndan 4:2 hasabynda asgyn geldi.
Türkmen toparynyň indi duşuşjak özbek topary entek bir utuk hem jemläp bilmedi. “Pahtakor” topary ýaryşyň 2 tapgyrynda hem ýeňlişe sezewar boldy.
Häzirki wagtda “A” toparçasynda öňdeligi 6 utuk bilen “Al-Aýn” topary eýeleýär. Ikinji we üçünji orunlarda degişlilikde 3 utuk jemlän “Ahal” we “Al-Feýha” toparlary barýar.