ABŞ bilen Ýaponiýa emeli aň we kabelsiz ulgamlar, şol sanda 6G tehnologiýasy boýunça hyzmatdaşlyk baradaky ylalaşyga gol çekmegi meýilleşdirýär. Bu barada “Nikkei” gazeti habar berdi.
Gazetiň bellemegine görä, resminama ABŞ-nyň prezidenti Donald Trampyň Ýaponiýa amala aşyrjak saparynyň dowamynda, ýagny 27-nji oktýabrda başlanjak saparyň çäginde gol çekiler. Ylalaşyk degişli tehnologiýalaryň bilelikde eksport edilmegini we üçünji ýurtlarda, esasanam global Günorta ýurtlarynda infrastruktura döredilmegini göz öňünde tutýar.
Trampyň sapary 27–29-njy oktýabr aralygynda meýilleşdirilendir. ABŞ-nyň Prezidenti Ýaponiýanyň täze Premýer-ministri Sanaa Takaiti bilen gepleşik geçirer we imperator Naruhitodan kabul edilmek hormatyna mynasyp bolar.
Bu Trampyň ikinji prezidentlik möhletiniň dowamynda Ýaponiýa edýän ilkinji saparydyr.