BMW kompaniýasynyň garaşylýan täze ulagynyň M8-iň ilkinji suratlary ýakynda internetde peýda boldy. Hawa, suratda hem synlaýşyňyz ýaly, M8-iň esasy bölegi ýapynjanyň aşagynda. Ýöne häzirlikçe, şu-da ýetik! Internet maglumatlarynda suratlaryň Günorta Afrikada düşürilendigi çaklanylýar.
BMW M850i-den tapawutlylykda täze kysym agressiw görnüşdedir: aşaky bamperde howa çalşyjy ulgam (hereketlendirijiniň sowamagy we gyzmagy üçin), arka tarapdan bolsa dört sany gaz çykaryjy ulgam bar.
M8-iň «Competition» nusgasy 625 at güýjüne deň bolar. Onda awtomatik hyzmatlaryň hem sany köpeler. Ozalky nusgalardan 2 kilogram ýeňil boljak awtoulagy güýçli tizlikde gelýärkä saklamak has ýeňil we howpsuz bolar.