Lionel Messiniň hoşlaşyk duşuşygy 6-njy oktýabrda geçiriler, Argentinanyň milli ýygyndysynyň garşydaşy Benin topary bolar.
«Altyn top» baýragynyň sekiz gezek eýesi Lionel Messi Argentinanyň futbol assosiasiyasynyň (AFA) saýtynda habar berlişi ýaly, Argentina milli ýygyndysynyň öňde boljak ýoldaşlyk duşuşyklary üçin düzümine goşuldy.
Messi 31-nji awgustda milli ýygyndydaky karýerasyny tamamlamak barada karara gelendigini habar beripdi.
Messiniň Benine garşy jemleýji oýny 6-njy oktýabrda Buenos-Aýresdäki «Monumental Antonio Wespusio Liberdi» stadionynda geçiriler.
39 ýaşly Messi 2005-nji ýyldan bäri milli ýygyndyda çykyş edip, 207 duşuşyk geçirdi we 125 gol urdy. Ol topary bilen 2022-nji ýylyň dünýä çempionatynda ýeňiji boldy we 2026-njy ýyldaky dünýä çempionatynyň finalyna çykdy.
Şeýle hem onuň hasabynda 2008-nji ýylyň Olimpiada altyny, iki gezek Amerikanyň kubogy (2021, 2024) we Finalissima-2022 kubogy bar.
Messiniň hasabynda rekord derejedäki sekiz «Altyn top» bar, ol FIFA-nyň görkezmegine görä üç gezek ýylyň iň gowy oýunçysy diýlip ykrar edildi, Ýewropa çempionatlarynyň iň gowy hüjümçisi hökmünde alty gezek «Altyn aýakgap» baýragyna eýe boldy we iki gezek dünýä çempionatynyň «Altyn top» baýragyny aldy.