Ispaniýaly Mariýa Peres Birmingemde geçirilýän ýeňil atletika boýunça Ýewropa çempionatynda ýarym marafon aralygynda (21 km) sport ýörişi boýunça dünýä rekordyny goýdy.
Türgen aralygy 1 sagat 30 minut 6 sekuntda geçdi. Onuň netijesi bu aralykda ilkinji resmi dünýä rekordy boldy, ol Halkara ýeňil atletika federasiýalary birleşigi (World Athletics) tarapyndan bellenilen kadadan 24 sekunt öňe geçdi.
2026-njy ýyldan başlap, sport ýörişinde ýarym marafon resmi ugur boldy. Dekabr aýynda World Athletics zenanlaryň ilkinji dünýä rekordy üçin 1:30.30 kadany belledi.
Peres 30 ýaşynda. Ol Parižde geçirilen Olimpiýa oýunlarynda garyşyk estafetada altyn, 20 km şahsy ýaryşda bolsa kümüş medal gazandy. Türgen dört gezek dünýä çempiony boldy. Peres Ýewropa çempionatynyň ýeňijisi ikinji gezek boldy.
Birmingemdäki Ýewropa çempionaty 16-njy awgustda tamamlanar.