Russiýanyň Prezidenti Wladimir Putin, 2026-njy ýylyň 14-nji sentýabryna çenli Hytaý raýatlarynyň 30 günden köp bolmadyk möhlet bilen Russiýa wizasyz baryp biljekdigi baradaky Permanlara gol çekdi. Hytaýa barýan Russiýanyň raýatlary üçin wizasyz tertip 15-nji sentýabrda güýje giripdi.
Wladimir Putin sentýabr aýynda Wladiwostokda Hytaýyň Kommunistik Partiýasynyň Merkezi Komitetiniň Siyasy býurosynyň agzasy, ählihytaý Halk wekiller ýygnagynyň hemişelik komitetiniň başlygynyň orunbasary Li Hunjžun bilen duşuşykda, Russiýanyň hem Hytaý Halk Respublikasynyň (HRR) raýatlary üçin wizasyz tertibi girizjekdigini habar beripdi.
Kremlde HHR-nyň Döwlet geňeşiniň premýeri Li Sýan bilen bolan duşuşykda Russiýanyň Lideri wizalaryň özara ýatyrylmagynyň iki ýurduň arasyndaky gatnaşyklarda oňyn özgerişlikleriň bolmagyna mümkinçilik berjekdigini belläp geçdi.
Putin: “Biziň halklarymyzyň arasyndaky gatnaşyklaryň has-da ösdürilmegine, elbetde, hytaýly dostlaryň Russiýanyň raýatlary üçin wizasyz tertibi girizmek baradaky karary hem ýardam berer. Biz bu hoşniýetli hereket üçin minnetdar. Biziň tarapymyzdan iň ýakyn wagtda Russiýa gelýän Hytaý Halk Respublikasynyň raýatlary üçin şeýle çäreler güýje girer” diýip belledi.