ABŞ-nyň “Inter Maýami” toparynda çykyş edýän argentin ýyldyz Lionel Messi Saud Arabystanynyň “Al-Nasr” toparynda oýnaýan Kristiano Ronaldodan futbol karýerasynda 11 metrlik jerime urgularyndan başga geçiren gollarynyň sanynda öňe saýlandy.
Lionel Messi öz toparynyň myhmançylykda “Nýu-Ýork Red Bullz” topary bilen geçiren duşuşygynda ýene-de 2 gol geçirdi. Messiniň topary 5:1 hasabynda üstün çykdy.
Şeýlelikde Messi karýerasy boýunça gollarynyň sanyny 874-e ýetirdi. Şol gollaryň 764-sini 11 metrlik jerime urmazdan geçirmegi başardy.
Ronaldonyň gollarynyň sany 938-e deň bolup, ol bu gollaryndan 175-sini 11 metrlik jerime urgularyndan geçirdi.
Messi karýerasy boýunça 1114 duşuşykda, Ronaldo bolsa 1281 duşuşykda oýnady.
Lionel Messi soňky geçiren 7 duşuşygynyň 6 duşuşygynda 2 goldan geçirmegi başardy. Ol ABŞ-nyň futbol çempionatynyň taryhynda yzly-yzyna 5 duşuşykda 2 gol geçirmegi başaran ilkinji futbolçy bolup, rekord goýdy.
Ronaldo we Messi futbol taryhynda iň köp gol geçiren futbolçylarynyň sanawynda degişlilikde birinji we ikinji orunlary eýeleýär.