Russiýanyň daşary işler ministri Sergeý Lawrow 11-nji aprelde Gazagystanyň Almaty şäherinde Merkezi Aziýanyň daşary işler ministrleri bilen duşuşar. Bu barada Russiýanyň daşary syýasat edarasynyň resmi wekili Mariýa Zaharowa habar berdi.
– 11-nji aprelde Russiýanyň daşary işler ministri Sergeý Lawrow GDA-nyň daşary işler ministrleriniň 2025-nji ýyldaky ilkinji duşuşygyna gatnaşar. Şeýle hem Russiýanyň we Merkezi Aziýanyň daşary syýasat edaralarynyň ýolbaşçylarynyň duşuşygy göz öňünde tutulýar – diýip, Mariýa Zaharowa belledi.
Bu altytaraplaýyn duşuşykda syýasy, söwda-ykdysady we medeni-ynsanperwer ugurlardaky hyzmatdaşlyk gatnaşyklary ara alnyp maslahatlaşylar. Şeýle hem halkara we sebitiň gün tertibindäki halkara meseleler boýunça pikir alşylar.