DÜNÝÄ

Şawkat Mirziýoýew: Merkezi Aziýa-ÝB söwda dolanyşygy 54 milliard ýewro

Özbegistanyň Samarkant şäherinde geçiriljek “Merkezi Aziýa-Ýewropa Bileleşigi” birinji sammitiniň öňüsyrasynda Özbegistanyň Prezidenti Şawkat Mirziýoýew “Euronews” habarlar gullugynyň habarçylar bilen söhbetdeş boldy.

Ol bu söhbetdeşligiň barşynda Merkezi Aziýa bilen Ýewropa Bileleşiginiň arasynda hyzmatdaşlyk gatnaşyklary barada durup geçdi.

– Biz yzygiderli ýewropaly kärdeşlerimiz bilen gepleşikler geçirýäris. Dünýäniň öňdebaryjy döwletleriniň liderleriniň Merkezi Aziýa sapary ýygjamlaşdy. Häzirki döwürde Ýewropa Bileleşigi Merkezi Aziýa döwletleri bilen söwda we maýa goýum gatnaşyklaryny ösdürýär. Soňky 7 ýylda ÝB-niň Merkezi Aziýa bilen söwda dolanyşygy 4 esse artyp, 54 milliard ýewro deň boldy – diýip, Şawkat Mirziýoýew belledi.

Özbek Lideri “Merkezi Aziýa-Ýewropa Bileleşigi” hyzmatdaşlyk görnüşiniň ajaýyp meýdança bolup, giň gerime eýedidigini belledi. Ýewropa Bileleşigi 27 döwleti, şol sanda “Uly 7-lige” görýän 3 döwleti (Germaniýa, Fransiýa we Italiýa) öz içine alýar.

Özbegistanyň Prezidenti Merkezi Aziýanyň global ulag zynjyrlarynda möhüm baglanyşyga öwrülýändigini belläp, sebitiň ýurtlaryna esasy dünýä bazarlaryna elýeterliligini giňeltmäge mümkinçilik berýän Hazar üsti we Transowgan  ulag geçelgeleriniň işjeň ösdürýändigini belledi.

– 2024-nji ýylda Özbegistanyň ÝB-e agza ýurtlar bilen söwda dolanyşygy 6,4 milliard dollara ýetdi we geçen ýyl bilen deňeşdirilende 5,2 göterim ýokarlandy. Özbegistanda Ýewropanyň maýasy bolan 1000-den gowrak kärhana işleýär we maýa goýum taslamalarynyň umumy mukdary 30 milliard ýewro barabardyr. ÝB bilen giňeldilen hyzmatdaşlyk şertnamasyna gol çekilmegi söwda we maýa goýum gatnaşyklaryny çuňlaşdyrmak üçin täze mümkinçilikler açar diýip garaşýarys – diýip, Şawkat Mirziýoýew interwýusynda belläp geçýär.

Özbek Baştutany Merkezi Aziýanyň diňe bir durnukly energiýa üpjünçiligini üpjün etmek bilen çäklenmän, global dekarbonizasiýa hem möhüm goşant goşup biljek ygtybarly hyzmatdaş bolup biljekdigini aýtdy.

 

Ýene-de okaň

ABŞ-da “six seven” (6–7) sözi ýaşlaryň arasynda trend boldy

Eýran bilen Türkmenistan Hazar deňzi boýunça hyzmatdaşlygyny ara alyp maslahatlaşdy

Aşgabatda ýurdumyzyň daşky gurşawy goramak baradaky goşantlaryna jemgyýetçiligiň gatnaşmagy ara alnyp maslahatlaşyldy

Özbegistanyň, Gyrgyzystanyň we Täjigistanyň Prezidentlerine Lew Tolstoý baýragy gowşuryldy

Türkmenistanyň Döwlet gümrük gullugynyň wekiliýetiniň Russiýa Federasiýasyna iş sapary

Täze ýyl baýramy mynasybetli göçme söwdalar geçirilýär

Ata Watan Eserleri