Mälim bolşy ýaly, ildeşimiz Gurban Berdiýew häzirki wagtda Azerbaýjanyň “Turan Towuz” toparyna tälim berýär. Bu topar Azerbaýjanyň futbol çempionatynyň 4-nji tapgyrynda ýurduň iň güýçli topary, ýagny Ýewropa ýaryşlarynda üstünlikli çykyş edýän “Garabag” toparyny 1:0 hasabynda ýeňdi.
Azerbaýjanyň “Garabag” topary öňümizdäki hepde UEFa Çempionlar ligasynyň pleý-off tapgyrynyň jogap duşuşygynda Zagrebiň “Dinamo” toparyny kabul eder.
Azerbaýjanyň milli çempionatyna gaýdyp gelsek, “Garabag” bilen “Turan Towuz” duşuşygy “Azersun Arena” stadionynda oýnaldy. Duşuşyk 1:0 hasabynda tamamlanyp, ýeke-täk goly 18-nji minutda Otto Jon 11 metrlik jerime urgusyndan tapawutlandy.
Towuz şäheriniň “Turan” topary Azerbaýjanyň çempionatynda çykyş edýän topar. Bu topar 1994-1995-nji ýyllarda Azerbaýjanyň çempiony boldy. Geçen möwsümde çempionaty 6-njy orunda tamamlady.