Ispaniýanyň “Real Madrid” topary italýan tälimçi Karlo Ançelotti bilen şertnamanyň möhletini uzaltdy. Bu barada toparyň resmi saýtynda habar berilýär.
64 ýaşyndaky tälimçi bilen gazanylan täze şertnamanyň möhleti 2026-njy ýylyň 30-njy iýunyna çenlidir.
Ançelotti “Real” toparyna ozaly bilen 2013-2015-nji ýyllarda tälim berdi. Soňra 2021-nji ýylda gaýdyp geldi. Ol bu ispan topary bilen Ispaniýanyň çempiony, ýurduň kubogyny 2 gezek we naýbaşy kubogyny bir gezek eýeledi. Şeýle hem 2 gezek Çempionlar ligasynyň kubogyny gazandy.
Ançelotti şol bir wagtda tälimçilik karýerasy döwründe Angliýanyň “Çelsi”, Germaniýanyň “Bawariýa”, Italiýanyň “Milan” hem-de Fransiýanyň “PSŽ” toparyna tälim berdi.
Ançelottiniň özüniň ozal belläp geçmegine görä, “Real Madrid” topary onuň karýerasyndaky soňky futbol topary bolar.
Italýan tälimçiniň 2024-nji ýylda Braziliýanyň milli ýygyndysynyň tälimçisi wezipesine bellenjekdigi aýdylypdy.