Kubaly türgen Mihain Lopes grek-rim göreşinde 130 kg agramda çykyş edip, Olimpiýa çempiony boldy. Onuň Pariž Olimpiadasynda gazanan altyn medaly, Olimpiýa oýunlaryndaky 5-nji çempionlygy boldy.
Finalda çilili türgen Ýasmani akostany ýeňmegi başaran kubaly türgen Mihain Lopes gazanan üstünligi bilen göreş sportynyň taryhynda 5 gezek Olimpiýa çempiony bolan ilkinji türgen boldy.
Pariž Olimpiadasy bilen professional sport karýerasyny tamamlan Lopes 41 ýaşynda. Ol Olimpiýa oýunlarynyň iň köp medal gazanan türgenleriniň biridir. Ol gatnaşan 5 Olimpiýa oýunlaryny altyn medal bilen tamamlady.
Şeýle hem ol 2005-nji, 2007-nji, 2009-njy, 2010-njy we 2014-nji ýyllarda geçirilen dünýä çempionatynyň we 2005-nji, 2006-njy we 2009-njy ýyllarda geçirilen dünýä Kubogy ýaryşlarynda ýeňiş gazanan türgendir.