Geljek ýyl Merkezi Aziýa-Ýaponiýa görnüşinde ýokary derejedäki sammiti geçirmek meýilleşdirilýär. Bu barada Ýaponiýanyň Daşary işleri ministrligi habar berýär.
Ýaponiýanyň daşary işler ministri Ýeko Kamikawy we Gazagystanyň wise-premýeri, daşary işler ministri Murat Nurtleý BMG-niň Baş Assambleýasynyň çäklerinde özara duşuşyk geçirip, Merkezi Aziýa-Ýaponiýa görnüşinde ýokary derejedäki sammiti geçirmek boýunça hyzmatdaşlyk etmek babatda ylalaşdylar.
– Her iki tarap geljek ýyl amatly wagtda Merkezi Aziýa-Ýaponiýa dialogynyň sammitini geçirmek babatda ylalaşdy. Bu dialoga başlyklyk edýän Gazagystan bilen Ýaponiýa degişli ýurtlar bilen bu sammiti geçirmek boýunça hyzmatdaşlyk ederler – diýlip, daşary syýasat edarasynyň beýanatynda bellenilip geçilýär.
Ýaponiýa soňky ýyllarda Merkezi Aziýa döwletleri – Gazagystan, Gyrgyzystan, Türkmenistan, Täjigistan we Özbegistan bilen hyzmatdaşlyk gatnaşyklaryny ösdürmäge uly ähmiýet berýär. 2022-nji ýylyň dekabrynda Tokio şäherinde Merkezi Aziýanyň maýa goýum forumy geçirildi.
Ýaponiýanyň Premýer-ministri Fumio Kisida geljek ýylda Merkezi Aziýanyň Baştutanlarynlary bilen ýokary derejede duşuşyk geçirmek üçin öz ýurduň ýolbaşçylaryna degişli tabşyrykylary bermegi göz öňünde tutýar.
Häzirki wagtda “Merkezi Aziýa+Ýaponiýa” dialogy hereket edip, onuň çäklerinde ministrler derejesinde yzygiderli duşuşyklar geçirilýär.
Mälim bolşy ýaly, geçen ýyl Hytaýda “Merkezi Aziýa-Hytaý” görnüşinde ýokary derejedäki sammit geçirildi. Golaýda, Nýu-Ýork şäherinde “Merkezi Aziýa-ABŞ” görnüşinde ilkinji ýokary derejedäki duşuşyk guraldy.