Türkiýäniň “Türkcell Superkobugy” ugrundaky duşuşykda “Trabzonspor” topary bilen “Demir Grup Siwasspor” toparlary duşuşdy.
Duşuşykda garşydaşyny 4:0 hasabynda ýeňen “Trabzonspor” topary 3-nji gezek Türkiýäniň Superkubogyny gazandy.
Türkiýänyň Superkubogy boýunça 16-njy gezek geçirilen duşuşykda geçen möwsümiň çempiony “Trabzonspor” ýeňiş gazanyp, möwsümi kubok bilen tamamlap, täze möwsüme hem kubok bilen başlaýar.
“Atatürk” olimpiýa stadionynda geçirilen duşuşykda “Trabzonspor” toparyna kubogyny Türkiýäniň Futbol federasiýasynyň başlygy Mehmet Büýükekşi gowşurdy.
“Trabzonspor” topary mundan ozal, 2010-njy we 2021-nji ýyllarda Atatürk Olimpiýa stadionynda geçirilen Superkubogy almagy başardy. Bu topar 2010-njy ýylda “Bursaspory” 3-0 hasabynda, 2021-nji ýylda “Medipol Başakşehiri” 2-1 hasabynda ýeňip, kubogy gazanypdy.