Birleşen Arap Emirlikleriniň “Emirates” awiakompaniýasy pandemiýanyň dünýä syýahatçylygyna edýän täsiri sebäpli 30 ýylyň dowamynda ilkinji gezek çeken ýitgisini mälim etdi. Ýylda 58 million ýolagçy gatnadýan bu kompaniýa 2020-nji ýylda 3,8 milliard dollar ýitirendigini habar berdi.
“Emirates” awiakompaniýasy howa gatnawynyň doly durandygyny mälim edip, alty aýyň dowamynda 3,8 milliard dollar zyýan çekendigini habar berdi.
75% pese gaçdy
“Associated Press” habarlar gullugynyň habaryna görä, BAE döwlet eýeçiligindäki kompaniýa pandemiýa döwründe iki aýlap saklanan uçarlar sebäpli kompaniýanyň girdejisi geçen ýylyň degişli döwri bilen deňeşdirilende 75% azalandygyny mälim etdi.
Geçen ýyl 58 million ýolagçy gatnadan we dünýäde iň köp gatnawly awiakompaniýalardan biri bolan “Emirates” awiakompaniýasy şu ýylyň aprel-sentýabr aýlary aralygynda bary-ýogy 1,5 million ýolagçy gatnatdy.
Ýük gatnawlara bolan islegiň hem azalmagyndan soň, “Emirates Group” on müňlerçe iş ýerini boşatdy we işgärleriň sanyny 24 göterim azaldyp, 81,334-e ýetirdi.
Saýtymyzyň döredijilik topary tarapyndan geçirilip gelinýän bäsleşikler boýunça degişli makalalary we habarlary “Ata Watan Eserleri” sahypamyzdan okap bilersiňiz. Bäsleşiklere gatnaşan eserleriň ählisi saýtymyzyň bu sahypasynda ýerleşdirildi.
