Ýewropa Bileleşigi 2021-nji ýylda saglygy goraýyş boýunça bütindünýä sammitini Italiýada geçirmegi meýilleşdirýär. Bu barada Ýewropa Komissiýasynyň ýolbaşçysy Ursula fon der Lýaýen habar berdi. Ol bu barada Ýewropa parlamentinde Ýewropa Bileleşiginiň ýagdaýy barada beren synynda belläp geçdi.
– Geljek ýyl Italiýada Ýewropa Bileleşiginiň Geňeşiniň baştutanlyk etmeginde saglygy goraýyş boýunça Bütindünýä sammitini geçirmek isleýäris. Bu ýewropalylara ÝB-niň olary goraýandygyny görkezer – diýip belledi.
Ýewropa parlamentinde nobatdaky mejlisiniň birinji bölegi koronawirus pandemiýasyna degişli boldy. Şol mejlisde bu başlangyç öňe sürüldi. Şunuň bilen baglylykda ÝB-niň Baştutany ÝB ýurtlary üçin umumy lukmançylyk ulgamyny emele getirjek we dermanlary döretmek hem-de ýaýratmak bilen baglanyşykly Ýewropa Saglyk Bileleşigini döretmek baradaky teklibi öňe sürdi.
Tehnologiýa dünýäsinde bolup geçýän wakalar we täze açyşlar bilen gyzyklanmaýan okyjy ýok bolsa gerek!
