Habib Nurmagomedow karýerasyndaky soňky tutluşygyny kanadaly Jorj Sen-Pýer bilen geçirmegi mümkin. Bu barada UFC-niň dolandyryjysy Deýna Uaýt «Twitterdäki» şahsy hasabynda ýazdy.
«Konor jogap tutluşygynyň geçirilmegini isleýär. Hatda ol muny Habib bilen soňky tutluşygyň geçirilen gününden bäri isläp gelýär. Ýöne bu tutluşygyň bolup bilmek ähtimallygy örän pes. Ýöne Nurmagomedow soňky tutluşygyny Sen-Pýer bilen geçirip biler. Habib ähli tutluşyklarda meni haýran galdyrdy. Şonuň üçin hem men ähli zady onuň öz islegine goýýaryn. Ol näme diýse, ýok diýmerin».
Habib Nurmagomedowyň şu ýylyň oktýabr aýynda BAE-de amerikaly Jastin Getži bilen tutluşmagy mümkin. Sen-Pýer bolsa 2019-njy ýylda karýerasyny tamamlapdy. Ýöne Habib tutluşyga çagyrýan bolsa, onuň ýaryşa gaýdyp gelmegi mümkin. Sen-Pýeriň häzir 39 ýaşyndadygyny hem ýatladýarys.