Italiýanyň “Milan” we “Inter” toparynyň futbol duşuşyklaryny geçirýän dünýä belli “San Siro” stadiony ýykylýar. “San Siro” stadiony resmi taýdan “Giuseppe Meazza” stadiony diýlip atlandyrylýar.
Ýurduň Milan şäheriniň iki güýçli topary “Milan” bilen “Inter” 94 ýyldan bäri bu stadiony bilelikde ulanýarlar. Stadionyň ýykylmagy bilen baglanyşykly başlangyç ýurduň Medeniýet ministrligi tarapyndan tassyklandy.
Milan” bilen “Inter” toparlary üçin täze stadion gurlar. Täze stadiony häzirki “San Siro” stadionynyň golaýyndaky meýdanda gurmak göz öňünde tutulýar.
“San Siro-da” 4 gezek Ýewropanyň kubogynyň final duşuşygy geçirildi. 2026-njy ýylda bu stadionda gyşky olimpiýa oýunlarynyň açylyş we ýapylyş dabaralaryny geçirmek meýilleşdirilipdi.
Bu stadion 1926-njy ýylyň 19-njy sentýabrynda ulanmaga berlipdi.