Amerikaly türgen Keti Ledeki meşhur sowet ýeňil atletikaçy türgeni Larisa Latyninanyň 60 ýyllyk rekordyna şärik boldy. Her iki türgen hem Olimpiýa oýunlarynda 9 sany altyn medal gazandy. Sowet türgeni soňky gezek 1964-nji ýyldaky Tokio Olimpiadasynda 9-njy altyn medalyny gazanypdy.
60 ýyldan soňra amerikaly ýüzüji Keti Ledeki Pariž Olimpiadasynda 9-njy altyn medalyny gazanyp, bu rekordyň şärigi boldy.
Ledeki 800 metr aralyga erkin ýüzmekde altyn medalyň eýesi boldy. Amerikaly türgen bassyr 4 Olimpiýa oýunlarynda bu aralyga ýüzmekde altyn medlay hiç kime bermän gelýär. London, Rio-de-Janeýro, Tokio we Pariž Olimpiadalarynda altyn medalyň eýesi bolan Keti Ledekä 800 we 1500 metr aralyga ýüzmekde taý tapylanok.
Sowet ýeňil atletika türgeni Larisa Latynina 3 Olimpiýa oýunlarynda 9 altyn medal gazandy.
