Gazagystanyň «Kazakh Tourism» edarasynyň dolandyryjylar geňeşiniň başlygy Talgat Gazizow Hökümet mejlisinde şu ýyl Gazagystanda konsert berjek dünýä belli artistleriň atlaryny aýtdy diýip, “Kazinform” agentliginiň habarçysy habar berýär.
Onuň bellemegine görä, maý aýynda geçiriljek ilkinji konsertde Timbaland, Nikol Şerzinger, Busta Rhymes, Tyga, Keri Hilson, Flo Rida çykyş eder.
Umuman alanyňda, ýylyň ahyryna çenli azyndan bäş sany iri konsert çäreleriniň geçirilmegine garaşylýar.
Şeýle-de, “Kazakh Tourism” edarasy festiwal syýahatçylygyny ösdürmäge işjeň gatnaşýar. Bu çäreleriň esasynda syýahatçylyk bukjalaryny döretmek bilen meşgullanjak ýörite topar döredildi.
Şeýle hem media hyzmatdaşlar we goňşy ýurtlaryň syýahatçylyk kompaniýalary bilen bilelikde Gazagystana syýahatçylary çekmek boýunça işler alnyp barlar.
