Türkmenistanyň daşary işler ministri Raşid Meredow Yrak Respublikasynyň daşary işler ministri Fuad Muhammed Huseýin bilen telefon arkaly söhbetdeşlik geçirdi.
Söhbetdeşligiň dowamynda taraplar syýasy-diplomatik, söwda-ykdysady we ynsanperwer ulgamlarda ikitaraplaýyn hyzmatdaşlyk meselelerini maslahat etdiler.
Diplomatlar iki döwletiň halkara guramalarynyň, ilkinji nobatda-da, BMG-niň çäklerinde hyzmatdaşlygy mundan beýläk-de dowam etdirmäge özara gyzyklanma bildirýändigini tassykladylar.
Şeýle-de, 12-nji dekabrda Aşgabatda geçiriljek Halkara parahatçylyk we ynanyşmak ýylyna, Türkmenistanyň hemişelik Bitaraplygynyň 30 ýyllygyna, şeýle hem Halkara Bitaraplyk gününe bagyşlanjak Halkara parahatçylyk we ynanyşmak forumyny guramak bilen bagly meselelere garaldy.