Saud Arabystanynyň «Al‑Nasr» toparynyň hüjümçisi Kristiano Ronaldo geçen möwsümde “Saud Pro” ligasynyň iň gowy hüjümçisine berilýän baýragy aldy. Bu barada bäsleşigiň metbugat gullugy sosial ulgamlarda habar berdi.
Ronaldo Saud Arabystanynyň futbol çempionatynyň “Altyn aýakgap” baýragyna mynasyp boldy. Bu üstünlige portugal futbolçy çempionatda iň köp gol geçirmek başarnygy bilen gazandy.
2024/25-nji ýylyň möwsüminde portugaliýaly futbolçy Saud Arabystanynyň çempionatynda 30 oýunda 25 gol geçirdi. Onuň topary üçünji orny eýeledi.
40 ýaşly portugaliýaly futbolçy 2023-nji ýyldan bäri «Al‑Nasr» toparynda çykyş edýär. Ol Er-Riýadyň toparynyň düzüminde ähli duşuşyklarda 109 oýun oýnap, 95 gol geçirdi we 20 netijeli pas berdi.