Russiýanyň Sankt-Peterburg şäheriniň “Zenit” topary Serdar Azmuny Germaniýanyň “Baýer” toparyna gitmäge rugsat berdi, şol bir wagtda braziliýaly hüjümçi Ýuri Alberto bilen şertnama baglanyşdy.
“Zenit” bilen “Baýer” topary eýranly futbolçy Azmunyň şertnamasy boýunça ylalaşdy. Germaniýanyň “Baýer” topary bilen şertnama baglanyşan Azmun tomusda bu toparyň düzümine goşulmalydy. Ýöne iki toparyň arasynda gazanylan ylalaşyga laýyklykda, Azmunyň ýakyn wagtda nemes toparynyň düzümine goşulmagyna mümkinçilik döredildi.
Şol bir wagtda “Zenit” topary Azmunyň ornuna täze futbolçy bilen şertnama baglaşdy. Rus topary Braziliýanyň “Internasional” toparynyň 20 ýaşly hüjümçisi Ýuri Alberto bilen şertnama baglaşdy. Bu şertnama 5 ýyl möhlete baglaşyldy.