Türkmenistanyň Ýaponiýadaky ilçisi A.Baýramow bilen Ýaponiýanyň Halkara hyzmatdaşlyk bankynyň başlygy Haýaşi Nobumitsunyň arasynda duşuşyk geçirildi.
Duşuşykda taraplar özara hyzmatdaşlygyň meselelerini we gatnaşyklary mundan beýläk-de ösdürmek üçin mümkinçilikleri ara alyp maslahatlaşdylar.
Türkmenistanyň energetika we infrastruktura pudaklaryndaky maýa goýum taslamalaryny öwrenmek esasy mowzuklaryň hatarynda garaldy. Ýapon tarapy dekarbonizasiýa we “ýaşyl” energetika babatyndaky taslamalar boýunça hem hyzmatdaşlyga gyzyklanma bildirdi.